Dende Arxentina, René Galindo, del llagar de Tencai, participante n’anteriores ediciones del Salón Internacional de les Sidres de Gala, unvíamos un resume de lo que foi esti segundu festival de la sidre en Roca, Arxentina.
L’eventu foi entamáu pol conceyu de Roca (sur d’Arxentina) y nel mesmu participaron más de 25 llagares arxentinos y dos chilenos invitaos (Sidrería Tencai y Sidra de Lago)
El festival tuvo una duración de 3 díis:
- 1er díi: xunta de llagareros, charres téuniques y degustación de sidres (namás pa productores)
- 2u y 3er díi: esposición de sidres abierta al publicu acompangada de música, gastronomía y artesaníal local toa temática a la sidre y la mazana.
Sobro les sidres del festival
La gran mayoría de les sidres feches n’Arxentina son ellaboraes de magar mazanes de raza Pink Lady y Granny Smith. Tamién hai muncha producción de perea, les sidres y perees tienden a ser semi seques a dulces y en menor midía seques, nos formatos de vienta destaca la sidre en llata, botellín y vienta en barril asemeyao a una cerveza.
Ente les sidres inusuales destaquen les formientaes en barriques, sidres ellaboraes col métodu asturianu y d’echar, sidres rosaes y dalgunes onde s’utiliza marmiellu namás (usáu polos llagares chilenos)
L’eventu tenía como finalidá espublizar, destacar y revalorizar la sidra en Gral. Roca (zona sidrera y productora de mazanes) Arxentina y Llatinoamérica, esperando nel futuru cuntar con mas llagares d’América y otros llugares del mundu.
¡¡Un gran eventu que podría llegar a convertise n’un SISGA llatinoamericanu.!!
