L’impresionante xorrecimientu de visites en lasidra.as llévamos a un procesu de remocicamientu xeneral pa meyorar les prestaciones.
LA SIDRA.- Como yá tovieron ocasión de comprobar los llectores de lasidra.as, esti postrer mes hebio dellos problemes cola nuesa ueb, que llegó inclusu a tar inoperativa demientres dellos díis. ¿La xida? Un impresionante xorrecimientu de visites a la ueb que llegó a saturar l’anchu banda col que cuntábemos. Ello asina, viémosmos obligaos –felizmente obligaos- a plantegamos un procesu de remocicamientu de la ueb pa meyorar les sos prestaciones y da-y un toque más afayaízu y acordies colos tiempos.
Lo primero qu’igüemos foi l’agospiu, contratándolu con una empresa asturiana –conforme colo que ye la nuesa filosofía- que mos ufre meyores prestaciones y mayor fiabilidá, y agora mesmo tamos trabayando nun nueu diseñu y programación que mos permita una mayor rapidez y desendolcu de la propia ueb.
Ello asina, nos prósimos meses dirán viéndose les meyores, anque tampoco nun tamos llibres de dagún qu’otru sustucu metantu mos ponemos al díi. Pedímosvos, eso sí, un pocu pacencia y comprensión mentes iguamos toes estes coses. Ye lo que tien xorrecer tanto.
