Esti martes 20 de xunu cellebróse nel Palaciu de Congresos del recintu Ferial Luis Adaro de Xixón, el Salón Sidre d’Asturies, entamáu pol Conseyu Regulador de la DOP Sidre d’Asturies. Trátase del mayor puntu d’alcuentru de profesionales del sector sidreru: llagareros, productores, cosecheros, distribuidores, hosteleros, etc.
LA SIDRA.-Esta xornada foi nagurada con una mesa redonda, moderada pola periodista Arancha Nieto, na que participaron el conseyeru de Mediu Rural y Cohesión Territorial del Gobiernu del Principáu d’Asturies, Alejandro Calvo, el presidente y el vicepresidente del Conseyu Regulador de la DOP Sidre d’Asturies, Víctor Ramos y Guillermo Guisasola, respeutivamente, el presidente d’OTEA, José Luis Álvarez Almeida, el responsable de Mediu Rural de Caxa Rural d’Asturies, Javier Nievas; y Jorge González-Palacios, en representación del Conceyu de Xixón.
Tres esti curtiu foru, nel que se punxo de relieve per parte de tolos participantes el valor de la sidre d’Asturies, tuvo llugar la entrega de premios de les meyores Sidres d’Asturies del añu. Esta ye la rellación de premiaos.
Sidre Natural Tradicional
- Premiu Oru: Contrueces DOP, de Sidra Contrueces
- Premiu Plata: Valdeboides, de Sidra Castañón
- Premiu Bronce: Quelo DOP, de Sidra Quelo
Sidre Natural d’Espolleta
- Ramos del Valle, de Sidra Fran.
Sidre Natural Calistrao
- El Gaitero, de Grupo El Gaitero.
Cosechero del Año:
- Félix Melchor Blanco González
L’actu institucional remató con un actu especial nel que se desveló a al embaxador de la Sidre d’Asturies 2023. Esti añu recayó nel Clú de Guisanderes, pola so vinculación y collaboración con esti productu ellaboráu con mazana 100% asturiana.
