Esti añu’l XIII Salón Internacional de les Sidres de Gala cunta con importantes novedaes, una d’elles ye ‘Saborgu a llagar’, una auténtica esperiencia sidrero-gastronómica ensin precedentes.
LA SIDRA.- El proyeutu de Isidra ta destináu a marcar un enantes y un dempués nel mundiu la sidre. Ún de los aspeutos más intrigantes ye ‘Saborgu a Llagar’, una esperiencia sensorial que pretende averar les sensaciones vivíes nos llagares a la mesa.
Pa deplicámoslo meyor adientrámosmos nuna entrevista esclusiva a Silverio Álvarez, p’afayar cuala ye la perspeutiva dende la cocina.
Una imersión nel ánima de la sidre.
Pa tol equipu de Isidra, ‘Saborgu a Llagar’ ye un auténticu retu, que trata de criar una esperiencia sensorial, averando les sensaciones vivíes nos llagares a la mesa. Especialmente na cocina, onde Silverio Álvarez enfréntase a un procesu de creación que nun se llinda a los fogones, sinón qu’implica un trabayu conceptual y una fonda conocencia de ca matiz de la cultura sidrera.
Acullá d’un trabayu, toa una vida nos llagares
Silverio atalanta qu’entender la sidra va acullá de tastiala. Ye somorguiase nes vides d’aquellos qu’abrazaron esta tradición como la so forma vida. Desque se paña la mazana fasta la formientaura nos toneles, l’equipu adiéntrase na vida de los llagareros.
L’equilibriu ente tradición y vanguardia
El Retu ‘Saborgu a Llagar” toma dende les recetes más tradicionales, tresmitíes de xeneración en xeneración, fasta la sofisticación de la cocina molecular. La calidá y la emoción son la sencia de ca platu. Silverio y el so equipu crean una ufierta culinaria que caltién la sencia de los saborgos y testures más auténticos.
El maridaxe perfechu de los sentíos
La collaboración ente la cocina y el mundiu les sidres ye esencial pa llograr la esperiencia sensorial perfecha. Por ello, ca platu xunce con una sidre escoyida con pricuru, algamando un equilibriu únicu ente acidez, amargura y dulzura.
Un Exemplu: Ostra de Sidre en Tierra y Sol
Un platu emblemáticu, “Ostra de Sidre en Tierra y Sol”, exemplifica esta fusión. Utilizando téuniques de esferificación y testures marines, el platu ye maridáu con una sidre que resalta l’acidez de la mazana y los arumes marinos. En ‘Saborgu a Llagar’ ca platu texe una hestoria que mos coneuta colos raigaños del mundiu la sidre. ¿A que tas naguando?
