Esti chigre xixonés, con más de trenta años de vida, ganóse a los veceros con una escelente cocina, ellaborada colos meyores productos astuiranos, y un echáu perfechu.
LA SIDRA.- Esti chigre xixonés, asitiáu nel barriu d’El Llano dende va más de tres décades, ganóse’l favor del públicu col trabayu diariu que rialicen tanto José Ángel Fernández como tol so equipu, ufriendo a los veceros una escelente cocina ellaborada colos meyores productos asturianos y una sidre servío nel so puntu óptimu, con un echáu perfechu.
El tratu que-y dan a la sidre en Río Astur ye una de les claves del so ésitu, yá que, como apunta José Ángel, “enantes de sacala a la venta, vamos vixilándola y prebando pa saber cuando ta perfecha pa servise. Eso la xente agradezlo y, por supuestu, valóralo perpositivamente”. Amás, siempres tienen más d’unpalu a la venta porque asina ye más fácile que’l veceru atope’l saborgu que más-y preste, yá que los matices sonperimportantes y ca sidre ye estremada. Anguañu tienen Castañón, la so DOP, Val de Boides, Acebal, Trabanco d’Escoyeta y la Brut Nature, Emilio Martínez.
