La Revista “LA SIDRA” ye una publicación mensual qu’edita anguaño la editorial Espublizastur pa la Fundación Asturies XXI.
El primer númberu de “La Sidra” asoleyóse en setiembre de 2003 convirtíéndose na primer revista temática sobre la sidra n’Asturies. N’avientu de 2008 algama los 60 númberos asoleyaos.
El primer númberu tuvo una tirada de 2.000 exemplares teniendo anguañU una tirada de 6.000 exemplares con un preciu de 3 € y unes 140 páxines aprosimadamente.
“La Sidra” ye una publicación con conteníos n’asturianu y en castellán. Recueye noticies de l’actualidá del mundu la sidra, reportaxes, información d’echadores y concursos, sobre la sidra n’otres partes del planeta, entrevistes a chigreros y llagareros, artículos d’opinión y de divulgación, recetes,…en definitiva de tolo que se mueve nel mundu sidreru.
Pesie a que nel so momentu (2003) La Sidra yera la primer ya única revista sobre la nuesa bébora más tarde vendríen otros proyectos, que xunto a La Sidra, conformen too una serie de espublizaciones sidreres, como la revista bimensual “Sicera” asoleyada pola Asociación de Llagareros d’Asturies dende finales de 2005 y que foi la segunda revista sobre la bebida asturiana por escelencia. Más tarde, en xunu de 2006, aparecería la revista “Vivir la sidra” qu’edita Editora del Norte y por último’l proyectu empresarial “Sabor de Sidra” (finales de 2006) periodicu mensual de baldre y primer espublización sobro la sidre nesti formatu.
Agora mesmo (2015) LA SIDRA ye la única espublización periódica que se caltién nel mercáu, con un xorrecimientu perimportante y ca vuelta mayor presencia n’Asturies y nel Estáu español.
- Númberos disponibles en pdf:
– Revista númberu 60 (avientu de 2008)
