La Mayor Espicha d’Asturies recibió una perbona acoyía de los medios de comunicación
LNE / LNE 1 / El Comercio / Cadena SER
LA SIDRA.- La presentación rializada na xornada d’ayeri na Casa La Palmera cuntó cola intervención de Carme Pérez de la Fundación Asturies XXI; Falo Nosti, responsable de les actividaes d’artesanía, mayada y animación infantil, Rafael Fernández, del llagar Buznego y Teresa Sánchez, direutora del Teatru Xovellanos en representación de Divertia.
Como novedá respeutu a ediciones anteriore esti añu va haber una zona acutada especialmente pa mascotes y va rializase una collaboración con ‘30 díis en bici’. Dicha asociación va llevar a cabu un percorríu pela ciudá’l domingu 16 d’abril que va terminar nel Muséu del Pueblu d’Asturies, de tala miente que los sos miembros van poder entrar gratuitamente a la PSLA. Coles mesmes amestámosmos a la so reivindicación y por esti motivu toles demás presones que lleven la so bicicleta van poder aportar igualmente de baldre esi mesmu domingu.
El programín definitivu d’esta VIII edición tovía nun ta preslláu, pero caltiense la VIII Asturianada y Sidre, el VI Concursu de Sidre Casero fecho en maera, les tasties guiaes, los maridaxes, la música’l país, la recepción a los esforzaos del Sidracrucis, los xuegos tradicionales, la mayada pa neños, el pebidal… y por supuestu muncha, muncha sidre de los más de 70 llagares participantes, por namás 5 €.
