Cellebraráse’l prósimu 29 de xunetu, pa entamar les fiestes de Candás.
LA SIDRA.- Esti orixinal rally sidreru ca vegada ye más popular, y dempués de superar los intentos del Ayuntamientu de prohibilu, añu ente añu participen más presones.
Esta XV edición rializaráse’l vienres 29 de xunetu a les 18:30 hores. Pa participar, los asistentes aconceyen en peñes. El llugar onde entama’l rally ye la Fonte los Ánxelos y fina na Plaza El Cuetu. L’añu pasáu esta iniciativa cuntó con alrodiu de 1.200 participantes, y echáronse más de 3.000 botelles.
Y Candás ufrirá muncho más nes sos tradicionales fiestes. Esi mesmu vienres al meudía habrá pasacais de cabezudos y gaiteros y a la media nuechi la música correra a cargu de Multi DJ na Plaza La Baragaña.
El sábadu tamién habrá pasacais y actuaciones n’estremaos llugares de la villa de les actuaciones del III Festival de Charangues 2016 en Candás. Tamién habrá obres de teatru, tangu, conciertos de rock, gastronomía asturiana y distintos festexos náuticos.
