La feria de Santa Dorotea ufiertó na xornada d’ayeri más de 2.000 árboles frutales, y llantes ornamentales, siendo’l pumar l’árbol más buscáu.
LA SIDRA.- Esta feria de Balmori lleva camín de ser la feria más importante del pumar de tol país, porque si bien s’ufierten toa triba de frutales ya inclusu de llantes ornamentales, el pumar ye con diferiencia l’árbol más buscáu.
Na feria tuvieron presentes ente otros pumareros: Viveros Mijares, de Cue, Viveros Asturflora de Naves, y Estrada, de Bedriñana, Villaviciosa, tolos cualos confirmaron la bona venta del productu y el munchu interés de los asisntentes, munchos d’ellos desplazaos a Balmori namás con esi enfotu.
La sonadía qu’añu ente añu gana la feria de Santa Dorotea en Balmori fai que ca vuelta seya mayor la presencia de compraores vascos y de la vecina Asturies de Santillana, que se desplacen pa mercar pumares de sidre pa llantar nes sos tierres.
sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr
