La firma del protocolu d’adhesión a la Rede Europea de Ciudaes de la Sidra, tuvo llugar el 29 de setiembre nel Salón de Recepciones del Conceyu de Xixón, cola Sra. Alcaldesa de Xixón, Carmen Moriyón, como anfitriona y la firma per parte de les autoridaes de la República Checa, Madeira, Tenerife, Servoz (Francia), Saint Marcel (Italia), Kuartango (País Vascu), Portugal, Valleseco (Gran Canaria) y, como representación asturiana, Nava, Cangues d’Onís, y Xixón.
Asina mesmo tamién roblaron el mentáu documentu Marcos Abel Fernández, en representación de la Fundación Asturies XXI, asina como representantes de la DOP Sidra de Asturies, el Muséu de la Sidre de Nava, el Muséu del Pueblu d’Asturies, el CEP de Turismu y Hostelería de Xixón, l’Asociación d’Escanciadores de Asturies, la Cátedra de la Sidra -Universidá d’Uviéu- y la Fundación Caxa Rural de Xixón en calidá d’observadores y como amuesa del so sofitu a la iniciativa.
