A entamos del añu pasáu presentábemos nes páxines de la revista LA SIDRA una serie de propuestes p’afaer el sector de la mazana y la sidre a les nueves realidaes y superar la situación de paralís actual na que non yá nun se resuelven los problemes, sinón que s’agraven, mentes se mos presenten nuevos retos y oportunidaes.
LA SIDRA.- Los propósitos / propuestes que realizábemos l’añu pasáu, con nun ser tolo profesionales que quinxéramos, daben respuestes práctiques a una problemática evidente, que xeneralmente evita plantegaaw públicamente, cuantimenos dar rempuestes. Los aspeutos desendolcaos contemplaben distintos aspeutos:
• Plan Estratéxicu de la Mazana y la Sidra
• Llagares
• Pumareros
• Sidreríes / Chigres
• Echaores
• DOP Sidre d’Asturies
• Alministración llocal y autonómica
• “Principado”
• Universidá
Llamentablemente n’anguaño prácticamente nun s’avanzó en dengún de los aspeutos plantegaos, de tala miente qu’un añu más siguimos ensin cuntar con denguna triba planificación pa la mazana y la sidre y nuevamente el sector adolez d’un partida específica nos presupuestos del ‘Principado’, por más que la problemática aumentara de manera considerable, y too paeza indicar que la tendencia va xorrecer nos prósimos años.
Pero non toos son males noticies. Tamién hai que destacar delles meyores:
• Aniciu de la Rede Europea de Ciudaes de la Sidra -’Cider Cities’- , con capitalidad en Xixón y el compromisu del Conceyu de Xixón lliderando’l protocolu d’adhesión a la RECS.
• Mayor presencia de la sidre nos actos oficiales a nivel del Principáu’, que nel casu del Conceyu de Xixón ye prácticamente dafechu.
• Reactivación del Muséu de la Sidre d’Asturies, en Nava, col nomamientu d’un nuevu direutor.
• Planteamientu per primer vegada dende un partíu políticu parllamentariu (Luis Venta, diputáu del PP) de la necesidá d’una planificación específico pal sector sidreru.
Ye cierto que, per otra parte, esiste una importente dinámiamu social de compromisu cola mazana y la sidre, siendo de destacar l’inxente llabor d’asociaciones como l’Asociación pal Fomentu de la Sidre Casero, el Clú Sierense d’Amigos de la Mazana, Asociación de la Sidra Casero de Carreño, o Entaína Ribeseya, por citar dalgunes, y resulta bien interesante’l fenómenu de recuperanza de la ellaboración casero de sidre, magar l’ausencia de sofitu institucional.
