Comu quiera que los participantes nel Salón Internacional de les Sidres de Gala suelen allargar la so estancia n’Asturies pa conocer y esfrutar lo muncho qu’ufre’l nuesu país, nesti XIII SISGA cuntaráse con una programación complementario a desendolcar enantes o dempués del propiu SISGA.
LA SIDRA.- Los cuatro díis del SISGA, apinaos d’actividaes, queden curtios pa esfrutar de la esperiencia sidrera asturiana –nun digamos yá a lo muncho que tien pa ufiertar Asturies notros campos-, por eso esti añu, y fuera programa, el SISGA ufierta a los sos participantes interesantes alternatives sidreres que-yos permitan aprofitar al másimu la estancia nel nuesu país.
Les alternatives propuestes, a concretar en ca casu, son:
- Esposición ‘Escanciando’. Representaciones de la sidre asturiano nes artes plástiques’ que reúne, amás d’obres pictóriques y cartelos publicitarios, estremaos ellementos que repasen la hestoria de la bébora patria asturiana. Muséu de Belles Artes. Uviéu
- Visita a la Finca El Gallinal.- Pumarada referencial inscrita na Denominación d’Orixe Protexía, que cunta con 30 hectáries de les que 23 tan llantaes con siete races de mazana de Denominación d’Orixe: Regona, De la Riega, Verdialona, Durona de Tresali, Xuanina, Raxao y Madiedo. Serín, Xixón
- DOP Sidre de Asturies.– Visita a las instalaciones del Conseyu Regulador Denominación Orixe Protexía Sidre d’Asturies. San Xuan de Capistrano, Villaviciosa
- Visita a les istalaciones del Serviciu Rexonal d’Investigación y Desendolcu Agroalimentariu (SERIDA), que cunta con una reserva de xenoma de más de 2.000 races de mazana asturiana. Villaviciosa
- Ruta del Quesu y la Sidra.- “Un viaxe al mundiu de Guillermina al traviés del quesu Cabrales, la sidre, el paisaxe y la cultura”. Asiegu, Cabranes
- Visita a Llagares.- Son munchos los llagares asturianos qu’ufren visites a los sos llagares, de los que podemos apurrir información (Castañón, Cortina, Piñera…) , y otros munchos qu’ensin ufrir estes visites de xuru que tarán encanciaos de recibir a los llagareros asistentes al SISGA
- Ruta chigrera.– Indispensable, una rutina de chigre en chigre y de culín en culín… camentamos en 3 propuestes:
- o Xixón.- Cimavilla / Barriu la sidra.
- o Uviéu.- Gascona
- o Mieres.- Requexu
(Visited 2.890.753 times)
