Ya ye oficial el programa del cursu de tastia entamáu pola Asociación pal Fomentu de la Sidre Tradicional Asturiana pa xuraos de concursos de sidre casero.
LA SIDRA.- Esta perinteresante iniciativa, llimitada nesta primer convocatoria a namás 12 presones, permitirá xunificar criterios ente les presones que participen comu xuraos nos concursos de sidre casero, sabiendo cualos son los aspeutos a valorar tantu positiva comu negativamente.
El 4 xunu quedará abiertu’l plazu pa les iscripciones, y ente tolos que s’apunten esbillaráse una docena nes prebes gustatives que se fadrán los díis 9 y 10, escoyéndose los participantes en función de los resultaos.
El cursu impartiráse los xueves, del 23 de xunu al 14 de xunetu n’horaiu de tardi. Nellos, Tano Collada desplicará les propiedaes gustatives de la sidre, Pedro Ramas, les golfatives, y los sos defeutos y virtúes, Javier Riestra l’aspeutu visual y el comportamientu nel vasu y Maximino Villarrica desplicará les diferiencies ente la sidre casero y la industrial.
Comu nota destacable que debiere servir d’exemplu ta l’afayamientu d’esti cursu pa presones con discapacidá visual.
P’apuntase al cursu hai qu’empobinase a: sidracasera@gmail.com
Y nel casu de discapacidá visual a sersocioasturias@once.es
