Esti xueves 28 de marzu, entama la XIV Primer Sidre l’Añu, estrenando allugamientu en L’Atalaya de Cimavilla. A continuación, axuntamos programa.
L’Auditoriu Doctor Francisco Cienfuegos-Xovellanos, en L’Atalaya de Cimavilla, va acoyer la catorce edición de la Primera Sidre L’Añu, qu’abre les sos puertes ente’l xueves 28 y el domingu 31
La Primer Sidre L’Añu ye un de los pocos eventos declaros d’Interés Social pol Conceyu de Xixón, col que da entamu la temporada sidrera asturiana, recoyendo la tradición d’abrir toneles y probar la sidra nuevo cola llegada de la Selmana Santa. Asina, ellí vamos poder atopar la nueva collecha de decenes de llagares, tanto escanciaos en barra como en toneles a llibre disposición de los asistentes, que van entrar a la cortil previa pagu de solu diez euros por tola xornada –de 12:00 a 21:30, el domingu hasta les 18:00-.
Amás de sidra, los asistentes van poder ver y practicar esportes y xuegos tradicionales, esfrutar de la música y bailles del país, prebar variedaes de sidra y productos derivaos bien poco avezaos, faer sidra duce, aprender a echar, participar nos concursos y munches otres actividaes que detallamos nel programa de siguío, teniendo siempres en cuenta que los horarios son averaos y tán suxetos a posibles cambeos.
PROGRAMA XUEVES 28
13:00 Inaguración de la XIV PRIMER SIDRE L’AÑU
- Pregón al cargu de Carlos Rubiera, escritor y cantante, autor ente otros munches temes del popularísimu cantar ‘La Capitana”
- Entrega de premios a los llagareros ganadores de la Meyor Primer Sidre L’Añu, :
- Meyor PSLA y Sidra oficial de la PSLA: Prado y Pedregal
- Segundu clasificáu: Sidra Peñón
- Tercer clasificáu: Cabueñes
- Culín inagural al cargu de la echaora Alejandra Vanegas
- Primer culín colectivu con representantes de les principales confreríes gastronómiques.
- Eshibición d’echar sidre a cargu de Wilkin Aquiles, campión d’Echaores de Sidre d’Asturies 2023 y del equipu d’echaores de La Montera Picona.
14:30 a 21:00 h.
Banda de Gaites El Gumial
Xuegos tradicionales pa la reciella
15:00 h. – Tastia guiada de Sidra Prado y Pedregal. Meyor Primer Sidre L’Añu y Sidra Oficial de la PSLA, a cargu de Juan Luis García, profesor de la Escuela d’Hostelería y Turismu de Xixón.
17:00 h.– Taller de facer paxos.
19:00 h.
- Taller y Concursu infantil d’echar sidre. Realizáu con agua y so supervisión constante de monitores.
- Tastia guiada de Sidre de la Macaronesia (IGP sidra da Madeira, y sidre de Tenerife y Gran Canaria) al cargu de Donato X. Villoria, Xuráu del SISGA
PROGRAMA VIENRES 29
- 12:00 a 21:00 h.
- Banda de Gaites El Gumial
- Xuegos tradicionales pa la reciella
13:00 – Tastia guiada de Sidra Cabueñes. Tercera clasificada nel Concursu Meyor Primer Sidre L’Añu 2024 a cargu de Juan Luis García, profesor de la Escuela de Hostelería y Turismu de Xixón.
16:00 – Tastia de sidres de xelu y fueu (Viuda de Angelón, Riestra, Panizales, Kuartango) a cargu d’Anzu Fernández.
17:00 – Taller d’echar sidre.
18:00 Taller y Concursu infantil d’echar sidre. Fechu con agua y baxo supervisión constante de los monitores.
19:00 Concursu d’echar sidre p’aficionaos.Una oportunidá pa que los que nun son profesionales del sector pongan a preba les sos habilidaes. Los premios consistirán nuna caxa sidre de Prado y Pedregal, del Llagar La Morena, Meyor Primer Sidre L’Añu 2024 pal primer clasificáu, una caxa de sidre Peñón, segunda clasificada na Meyor Primer Sidre L’Añu 2024, pal segundu y una caxa de sidre Cabueñes, tercer clasificada na Meyor Primer Sidre L’añu 2024 pal terceru.
PROGRAMA SÁBADU 30
12:00 a 21:00 h.
Banda de Gaites El Gumial
Xuegos tradicionales pa la reciella
13:00 h. – Tastia guiada de Sidra Cabueñes. Tercer clasificada nel Concursu Meyor Primer Sidre L’Añu 2024, a cargu de Juan Luis García, profesor de la Escuela d’Hostelería y Turismu de Xixón.
16:00 h. – Tastia guiada de Sidres de Letonia (Mr. Plume) y Francia (Domain de La Mare) al cargu de Donato X.Villoria, xuráu del SISGA.
17:00 h. – Taller d’echar sidre.
18:00 h. Taller y Concursu infantil d’echar sidre. Realizáu con agua y so supervisión constante de los monitores.
19:00 h. Concursu d’echar sidre p’aficionaos.Una oportunidá pa que los que nun son profesionales del sector pongan a preba les sos habilidaes. Los premios consistirán nuna caxa sidre de Prado y Pedregal, del Llagar La Morena, Meyor Primer Sidre L’Añu 2024 pal primer clasificáu, una caxa de sidre Peñón, segunda clasificada na Meyor Primer Sidre L’Añu 2024, pal segundu y una caxa de sidre Cabueñes, tercer clasificada na Meyor Primer Sidre L’añu 2024 pal terceru.
PROGRAMA DOMINGU 31
12:00 a 18:00 h.
Banda de Gaites El Gumial
Xuegos tradicionales pa la reciella
13:30 h. Concursu de Sidra Casero fecha en madera. Concursu pa aficionaos, únicu na so especialidá y col que pretende potenciase l’usu tradicional de los toneles de madera na ellaboración de sidra a nivel amater.
14:00 h. Mayada. Ellaboración tradicional de sidre polos más pequenos, con mayos de madera y un pequeñu llagarín. Dende’l procesu d’escoyer la fruta al puntu final de tastiar la sidre’l duernu
15:00 h. Entrega premios de Sidre Casero fecho en maera, y degustación de les sidres presentaes a concursu
16:00 Tastia de sidre con espolleta Riestra y Prau Monga a cargu d’Anzu Fernández.
Per otra parte queremos destacar :
Ufierta de sidre dolce (ello ye, ensin alcohol)
Información multillingüe. Ca añu ye mayor el númberu de visitantes foriatos, tanto persones individuales como medios de comunicación; poro, cuntamos con un equipu d’atención que, amás del asturianu y l’español, informa n’inglés, francés, italianu y alemán.
Menú vexetarianu. La nuesa magnífica parrilla cunta, como vien siendo vezu nos últimos años, con un menú vexetarianu, dando respuesta asina a una demanda cada vez más xeneralizada ente los asistentes al nuesu eventu.
Espaciu Cardioprotexíu. Esti añu nuevamente cuntamos col equipamientu necesariu (desfibrilador), y el personal mélicu cola formación precisa, p’atender de manera eficaz una parada cardiaca hasta la llegada de los servicios médicos d’emerxencia. Con esta midida adelantramos a les disposiciones esistentes pa esti tipu d’eventos a nivel européu, y apurrimos una seguridá a toos los nuesos visitantes.
¡Bebi con xacíu!. Anque la llexislación española entá nun lo esixa, asumimos los principios europeos nos que l’anunciu d’actividaes rellacionaes con bébores alcohóliques lleven un llamamientu al so consumu responsable y moderao, de tala forma que el eslogan “Bebi con xacíu. Ye la nuesa cultura. Ye la to responsabilidá” va tar presente en tol eventu, recordando, de camín, que la cultura asturiana de la sidra nun ye una cultura de “botellón”, sinón de relaciones sociales.
