Mañana y hasta’l 21 de xunetu va cellebrase nel Parque Riera, Cangues d’Onís, la que sedrá la so ‘Primer Sidre’ . Darréu, tola información pa que la esfruteis
Cangues d’Onís, un conceyu con fuerte tradición sidrera, nagúrase esti añu comu see d’un de los mayores evento sidreros, una Primer Sidre que, a semeyanza de la Primer Sidre L’Añu que lleva 14 ediciones cellebrándose en Xixón, consistirá nuna macro-espicha acompangada con una riestra d’actividaes propies de la cultura tradicional asturiana.
El sistema de furrulamientu ye cenciellu, mercando la pulsera de la Primera Sidre (10 €, menores gratis) pue entrase y salir llíbremente al recintu, y prebar, de 13:00 a 21:00 hores (a 18:00 hores el domingu) tola sidra que se quiera, del llagar de Riestra -Sidre oficial d’esta edición- o d’otru de la cerca de ventena de palos disponibles. La entrada inclui la participación de baldre nes estremaes actividaes que se rialicen a lo llargo del díi, toes elles rellacionaes cola sidre y la so cultura, con especial atención a la reciella.
Una ocasión esceicional pa esfrutar si yes sidreru o pa conocer la sidre si nun lo yes. L’eventu perfechu pa que la xente de fuera conoza la cultura asturiana de la sidre.
PROGRAMA
Vienres
- 13:00 Inaguración. (con presencia d’autoridaes municipales, Presidente de la Fundación Asturies XXI (Marcos Abel Fernández), Representante de Caja Rural d’Asturies y Siceratores.
- Pregoneru (Lluis Nel Estrada)
- Culín inagural
- Culín colectivu
16:00 – Tasties de sidre al cargu de Juan Luis García (Xefe d’estudios de la escuela Hostelería Xixón) /Avelino Fuentes, presidente FASCAS.
17:00 – Mayada pa la reciella. Los neños cueyen les mazanes, mayenles con mayos, échenles nel llagar, apreten el llagar… Aprienden a faer sidra.
18:00 – Taller d’echar sidre. P’ adultos y neños.
19:00 – Homenaxe Jose Manuel Fonseca García – El Polesu
20: 00 – Actuación Los Gascones
Continuu: Música al cargu de Los Collainos, de la Banda Gaites El Gumial y xuegos tradicionales.
SÁBADU
16:00 – Tasties de sidre al cargu de Juan Luis García (Xefe d’estudios de la escuela Hostelería Xixón)/ Avelino Fuentes, presidente FASCAS.
18:00 – Esibición d’echar sidre al cargu de la campeona de escanciador Laura Ovín
– Taller d’echar sidre (para neños –con agua- y adultos)
– Concursu amateur d’escanciadores, para neños y adultos
19:00 – Mayada pa neños. Cueyen les mazanes, máyenles con mayos, échenles nel llagar, apreten el llagar… Aprienden a faer sidra.
20:00 – Actuación The Bándula
Continuu: Música al cargu de Los Collainos, de la Banda Gaites El Gumial y xuegos tradicionales.
DOMINGU –
13:00 – Degustación sidre casero de Cangues
15:00 – Mayada pa neños. Cueyen les mazanes, máyenles con mayos, échenles nel llagar, apreten el llagar… Aprienden a faer sidra.
16:00 – Tasties de sidre al cargu de Juan Luis García (Xefe d’estudios de la escuela Hostelería Xixón) y Avelino Fuentes, presidente FASCAS.
17:00 – Taller d’echar sidre
18:oo- Zarru
Continuu:
Música al cargu de Los Collainos, de la Banda Gaites El Gumial y xuegos tradicionales.
