Güei tendrá llugar la presentación del Salón Internacional de les Sidres de Gala nel Festival Intercélticu d’An Oriant
LA SIDRA.- El pabellón asturianu n’An Oriant sedrá l’escenariu onde se presentará la ochava edición del SISGA. L’actu, entamáu pola dellegación de la Fundación Asturies XXI nel festival, cuntará tamién cola participación de llagareros internacionales –dellos con premios SISGA- que tamién tan presentes nesti festival intercélticu.
La presentación escomenzará a les 17:30 y nel trescursu de la mesma los asistentes podrán esfrutar de la sidre de más d’ochu países. D’Asturies concretamente tará representada la sidre de los llagares Riestra, Cortina, Castañón, Viuda de Angelón y la sidre de La Naveta.
La sidre caltién el so llugar comu’l productu de mayor importancia nel Festival Intercélticu de la ciudá, tando presente dientru tolos espacios de les naciones celtes, anque la sidre bretona tea perdayuri, en toles xintes ya terraces de chigres. Inclusu esti añu ocupa una avenida entera de sidres de productores bretones de mayor y menor volumen, ú puen apreciase toles tendencies destremaes que sigui’l mundiu sidreru en Breizh.
Esti eventu faise en collaboración de la Fundación Asturies XXI col Pavellón d’Asturies, con Jesús Adrian Rodriguez Alvarez a la cabeza, quien cunta col sofitu la Oficina de Turismu d’Asturies.
