Tuvo llugar nel llagar de Sidra Cortina la presentación del primer programa entamáu pol Club de Productu Sidraturismu Asturies
LA SIDRA.- “Mayando con Sidraturismo Asturies va desendolcase del 21 d’ochobre al 1 de payares. Una propuesta que naz col enfotu de aprovechar la dómina de recoyía de mazana y ellaboración de Sidre d’Asturies pa ufiertalo al turista como un atractivu turísticu, al traviés de distintes actividaes y escapaes pa poder esfrutar, de la forma más completo posible, de la dómina de seronda que tanta rellevancia tien na sidre asturiano.
Esti Clú de Productu realizó un completu programa nel que participen más de 34 miembros xuntaos. A lo llargo del so desendolcu, podrá esfrutase de paseos ente pumares per delles pumaradas onde la mazana ta na so mayor rellumanza, d’esperiencies mayado afayando los rellabicos de la ellaboración de la sidre, nos nuesos llagares, onde l’ambiente güel a mazana y sidre duce, de menús sidreros especiales ellaboraos pa esta dómina dende les sidreríes xuntaes, poder durmir n’agospiamientos que cunten con delles opciones p’amosar los sos toques sidreros dedicáu al veceru más allegáu a esta bébora.
Les fines de selmana van ser escenariu de delles actividaes especiales, como ye’l casu d’una xornada formativa onde tean presentes la mazana, sidrw y cultura sidrera asturianes, de visites guiaes pel cascu antiguu d’Uviéu y Villaviciosa con guíes acreditaos que va rematar con un final sidreru, de rutes en bici entre pumaraes y llagares pela zona de Siero y Villaviciosa o de dos amagüestos, ún d’ámbetu más tradicional onde habrá una actuación musical tradicional y otru enfocáu a families; amás va cuntase con nueve escapaes sidreres nes que podrá dormise n’ún de los nuesos agospiamientos con encantu sidreru xunta una actividá onde la sidre y la mazana tean más que presentes.
Tou ello pue consultase al traviés de la seición de la web: https://www.sidraturismoasturias.es/eventos/mayando/, onde ye posible ver y descargar toa programación y/o actividaes o escapaes que se proponen ya inclusive acutar o contactar directamente con quien realice les distintes propuestes.
Nel actu tuvieron presentes los socios de l’Asociación Clú de Productu Sidraturismu Asturies, Graciela Blanco, viceconseyera de Turismu Asturies, Guillermo Guisasola, presidente del Conseyu Regulador DOP Sidre d’Asturies y Ana Soberón, vicepresidenta del Clúster de Turismu Rural d’Asturies al igual que Javier Nievas, en representación de Caxa Rural d’Asturies, apocayá nomáu sociu honoríficu de dicha asociación.
