El míticu Rally de la Sidre de Candás, que va sirvir de colofón a les Fiestes de San Félix, va ser solidariu
“Nun importa qué alloñaos países acueyan a los asturianos y les asturianes, nun importa’l tiempu trescurríu nin los avatares que la vida mos imponga. La sola imaxe de la sidre rompiendo escontra’l cristal remembra en cualisquier de nós un amiestu de sensaciones sacando a la superficie de la memoria les emociones más presonales ya íntimes de caún/a. Porque’l llíquidu doráu tien el so saborgu, el so golor, los sos cancios, pero sobromanera, supon una gociosa cellebración de grupu, de l’amistanza y de la vida mesma”
Ye un testu del Conceyu de Carreño y robláu pola alcaldesa, Amelia Fernández, pa indicar que so eses premises el 2 d’agostu, y como culminación de les Fiestes de San Félix, les camisetes blanques y la ropa de Mahón van anubrir les principales cais de Candás cola cellebración, del yá tradicional, rally de la sidre “De Culín en Culín”.
“Un rally de la sidre que nesta edición va tener un calter bien especial, va ser un rally solidariu frutu del alcuerdu de collaboración algamáu ente la organización de l’actividá -Peñes Marineres- y la Fundación Sandra Ibarra de Solidaridá Frente al Cáncanu. Al traviés del cualu, caúna de les presones que participen nel festexu van donar en beneficiu de la Fundación 1 euru de la cuota d’iscripción” siñaló Paula Cuervu, Conceyala de Festexos-.
El Rally de la Sidre trátase d’un acontecimientu popular y eminentemente festivu al empar que defensor de la sidre asturiano como ellementu sinificativu de Asturies. Nesta edición van participar 2.300 persones, que formen parte de dalguna de les 99 Peñes Marineres iscrites nel eventu. Estes van tastiar alrodiu de 9.200 botelles de sidre procedente del llagar carreñense Peñón
