LA SIDRA convoca un concursu de sidre del añu, ensin trasegar que se cellebrará na sidrería xixonesa El Canigú. La sidre ganadora sedrá declarada sidre oficial de la Primer Sidre l’Añu.
Trátase del primer premiu que se fai a la “primer sidre l’añu”, ello ye, a la sidre del añu que ta ensin trasegar.
Pesia que fasta va pocu yera lo normal sobro too nos meses de marzu y abril, cola industrialización de los llagares y la popularización de la téunica del trasiegu, esta foi esapaeciendo progresiblemente, de tala miente que se conservó básicamente nos llagares caseros.
Con esti premiu LA SIDRA pretende animar a los llagares asturianos a sacar esta primer sidre direutamente al mercáu, y la sidre ganadora sedrá declarada sidre oficial de la Primer Sidre l’Añu ’14 que se cellebrará la prósima Selmana Santa nel Muséu del Pueblu d’Asturies, y de la qu’alquiriremos al llagar un mínimu de 100 caxes de sidre.
