Loreto García toma la iniciativa de cobrar la sidre a un preciu distintu sigún se eche o non
LA SIDRA.- La conocÍa propietaria de la Sidrería El Madreñeru –La Pola Siero-, referencial nel mundiu la sidre, tomó la iniciativa y decidió baxar 20 céntimos el preciu de la sidre ensin echar y xubir 30 la sidre echao. A la fin, una diferencia de 50 céntimos per botella según quiera cuntase o non col serviciu d’un/a profesional.
Y ye que la situación del echáu y de los echaores nun acaba solucionase, principalmente pol desenfotu, cuando non incompetencia, de los responsables políticos, el ‘Principado’, que nun acaben d’asumir la necesidá d’una categoría profesional específica d’echaor, de forma que reciban una retribución d’alcuerdu a la so especialidá; nin tampoco nun paez tener la intención de definir llegalmente lo que ye y nun ye una sidrería, de forma que se desixa pa ser considerada como tala, cuntar col serviciu d’estos profesionales echaores.
Mentes s’etenriza esta situación, Loreto decidió tomar la iniciativa poniendo en valor el serviciu d’echar sidre, pa ello dotó la so sidrería d’un modernu equipu d’echaores llétricos de COEM, personalizaos col llogu de la so sidrería y de la sidre Pkdo, del llagar JR, a disposición d’aquellos veceros que nun envaloren necesario la función d’esti especialista –y quieran aforrar 50 céntimos por botella- y ufierta la posibilidá d’un serviciu atentu y profesional pa quien quiera esfrutar de la sidra sirvía en condiciones.
La polémica ta sirvía y paez más que probable que, dao la paralís del ‘Principado’ –siquier no qu’a la sidre se refier- tean que ser iniciatives privaes como esta les que vaigan solucionando una problemática que, de nun iguase, pon en pelligru un ellementu principal de la cultura sidrera asturiana.
