La Casa Conceyu d’Uviéu aprovechó la so presencia en Fitur pa reivindicase como capital de la sidre
LA SIDRA.- Uviéu aprofitó la so presencia na 42 edición dela Ferian Internacional de Turismu (Fitur) que se cellebra n’Ifema, Madrid, pa presentar la marca “Uviéu, capital de la Sidre” cola que pretende promocionase turísticamente, aprofitando’l tirón de la candidatura de la cultura asturiana de la sidre a Padremuñu Mundial de la Unesco, y la declaración como fiesta d’interés turísticu rexonal de la Preba de la cai Gascona.
Cómo parte d’esa promoción anunció la cellebración n’Uviéu d’un gran eventu sidreru pa entamos del branu -ensin especificar de qué triba-, y recupera el retu del “echáu en secu” –asonsañar echando sidre ensin vasu nin botella- como símbolu reivindicativu d’esa capitalidá.
Por embargu, esta autoproclamación d’Uviéu como capital de la sidre nun sentó especialmente bien, por exemplu a los conceyos que formen parte de la Contorna la Sidre, que pidieron “alloñase de llocalismos al rodiu la cultura sidrera, ainda más cuandu entá tamos nel procesu pa la so reconocencia como Padremuñu Inmaterila de la Humanidá pola Unesco”
Nel mesmu sen, Juan Luis Poladura, presidente de l’Asociación en Defensa de los Pumareros d’Asturies tamién foi bien críticu cola autoproclamación de capitalidá sidrera entrugándose si los pumares tan nel Campu San Franciscu, y reivindicando que ·la capital de la sidre y la mazana foi, de tola vida, La Villa –Villaviciosa”.
