El llagar Piñera, Meyor Sidre d’Asturies en Nava, seguíu d’Orizón y Castañón.
LA SIDRA.- Trunfu disputáu el del xixonés llagar Piñera, qu’algamó 167 votos frente a los 166 y 165 respeutivamente del llagar navetu Orizón y el maliayu Castañón.
El festival de Nava, xunto col de Villaviciosa y el de la Primer Sidre l’Añu de Xixón son los principales d’Asturies, tantu por númberu participantes comu pola calidá de la sidre presentao, y ganar en cualisquier d’ellos ye motivu de merecíu arguyu, y nesti casu, comu diz el llagareru José Luis Piñera “El fechu de que ganáremos tan axustao con un nivel tan altu enarguyezmos entá más”.
Per otru llau, el llagar Orizón quedó segundu na categoría xeneral y primeru na categoría llocal, siendo Meyor Sidre de Nava, y el llagar Castañón, que quedó nun permeritoriu tercer puestu cola sidre, tamién quedó el primer premiu en derivaos de sidre con Roxmut, el so vermú de sidre.
Nava sigue cellebrando’l so afamáu festival, y a los amantes de la sidre fáltamos tiempu pa participar en tolos eventos que tienen entamaoS nesta edición.
