El vidiu de LA SIDRA na Sidrería Les Praeres yá ye tou un fenómenu viral, con más de 250.000 visites en menos de 48 hores.
LA SIDRA.- Perpasar 250.000 visites ye un fechu destacable, pero facelo en menos de 48 hores, con 110.000 reproduiciones, alrodiu de los 2.000 vegaes compartíu y 1000 rempuestes, lleva a entrar na categoría de fenómenu viral… y esto tovía va seguir medrando.
Como se recordará, el vidiu amuesa como una ciervina pica a la puerte del chigre y espera a que Ladino, el chigreru de la Sidrería Les Praeres -Nava- y dea de xintar unes mazanes.
Too ello forma parte d’una perguapa hestoria que vos invitamos a conocer en direutu nel propiu chigre y de boca del propiu Ladino, mentes tomáis tranquilamente unes botellines bien acompangaes cola afayaiza carta cola que cunten.
La presencia de LA SIDRA nes redes sociales ye cada vegada mayor, y permite llegar a tolos requexos del mundiu, poniendo nel mapa un productu, una cultura y un país.
