Esti añu sedrá el Sidracrucis más correnderu de la hestoria, pasando per 9 chigres, tres llagares, la PSLA y el Muséu de la Sidre de Nava, entamando en Xixón y llegando a Llanes.
LA SIDRA.- Conforme obliga la tradición, el Sidracrucis va a más, y esti añu tenemos previsto que seya’l más viaxeru y el más completu de toos, con salida en Xixón, pasu per Nava y espicha final nel llagar de Cabañón en Naves, Llanes
Comu davezu, habrá autocares dende Uviéu y Avilés. Entamaremos el Sidracrucis na Sidrería El Restallu y si somos a ello pasaremos pela Sidrería Dakar, Sidrería Miravalles, Sidrería El Tendido, Sidrería El Parque, Sidrería Ramón, Sidreria La Nueva Ibérica, Sidrería La Brasa, y Sidrería Fernando, pa dir a tomar fuercies a la Primer Sidre l’Añu, onde tendremos la Fabaona Xabaz pa garrar fuercies.
D’ehí y too darréu visitaremos al Muséu de la Sidre de Nava, el llagar de Roza, y el de Orizón, siguiendo camín fasta’l llagar de Cabañón, en Naves, Llanes, onde fadremos la espicha fin de Sidracrucis, y d’onde tornaremos de nueu a los respeutivos puntos d’orixe.
A la fin, cuasique 12 hores de folixa sidrera..Diremos per chigres y llagares tomando sidre, canciando, y forrando bien, con pinchos en ca chigre, una fabaona xabaz pa xintar y una espicha pa rematar. Pinchos pal cuerpu y sidre pal alma, una auténtica procesión sidrera na que les rises, la música de gaita, daqué cantarín qu’echemos y fasta dalgún baillín, sedrán los protagonistes. Apto namás pa los y les grandes amantes de la sidre, con munches ganes de pasalo bien.
Les places son llimitaes, y por rigurosu orde d’iscripción… ¡¡y non, nun se ponen más autocares, que llueu ye más xaréu de la cuenta!!
Preciu 60 €, 55 pa collaboraores, soscritores o pa grupos de magar 4 presones
Más información / Apuntase:
T. 652 594 983
