De les 37 sidres presentaes, siete fueron les escoyíes pa pasar a la final que se cellebrará el prósimu miércoles 5 d’abril na Sidrería la Montera Picona de Ramón
LA SIDRA.- Na Sidrería La Montera Picona de Ramón tuvo llugar la primer fase del Concursu Meyor Primer Sidre l’Añu, con un xuráu presidíu por Manuel G. Busto, cuntándose con Alejandra Vanegas y Kelvin Paredes como echaores.
El de la Meyor Primer Sidre L’Añu ye l’únicu concursu que tien como protagonista la sidre sobro la madre, ello ye, ensin trasegar, y nelli participaron esti añu 27 llagares.
La calidá de les sidres presentaes en xeneral foi bien curioso, lo que fexo que’l llabor del xuráu resultare enforma complicáu. A la fin, clasificárense pa la final, los llagares que vienen darréu (per orde alfabéticu, non de clasificación): Acebal (Xixón), Arbesú (Siero), El Duque (Xixón), Germán (Avilés), Fonciello (Siero), Orizón (Nava) y Roza (Nava).
La sidre ganadora sedrá la oficial de la XIII Primer Sidre L’Añu, y la final tendrá llugar el prósimu miércoles 5 d’abril, tamién na Sidrería La Montera Picona, de magar les 19:00 h. La mesma será abierta al públicu, que tendrá llueu la oportunidá de prebar les sidres finalistes.
PROGRAMA / XIII PRIMER SIDRE L’AÑU / SIDRACRUCIS / XII ASTURIANADA Y SIDRE / CONCURSU DE SIDRE CASERO / PROGRAMACIÓN INFANTIL /TASTIES
¿QUÉ YE’L SIDRACRUCIS? / ¿EN QUÉ CONSISTE? / PERCORRÍU SIDRACRUCIS’23 / VIDIOS Y SEMEYES
