Tomás Jimenez y Noelia González yá lleven trés meses en El Llanu y paez que pola rempuesta que tán dando los veceros la cosa va pa llargu. Los dos tuvieron estrechamente vinculaos a la hostelería, detalle que se dexa notar.
Tal que mos cunta Tomás, la llínia marcada ye la d’un chigre tradicional con enclín a una cocina tradicional, de guisandera, o como tantu gústa-y dicir, la de la so güela. El so díi de fuelgu ye’l miércoles y el so horariu per selmana 10:00 h a preslle, abriendo les fines de selmana a les 11:00 h.
El chigre cuenta con un ampliu comedor que da opción a poder cellebrar cualisquier triba de xintes de grupu o empresa. Asina mesmo trés tipos de menú, diariu, especiales de sábadu y domingu a unos precios más qu’interesantes 9’50, 14’00 y 16’00€ respeutivamente. En toos ellos pue escoyer ente seyes platos habiendo siempres ún de cuyar, tando les fines de selmana tovía más completos.
Nes especialidaes hai de destacar los tortos fechos con unes fariñes especiales, más grandes y xugosos de lo avezao, condimentando con carne, güevos o matachana. Tocántenes a guisos el cabritu, xabalín o rabu de toru lleven la palma, pero lo que bramente hai de resaltar son les caces de gochu. Por encargu pa grupos de xente ye de destacar el pexe, la cabeza de gochu “cachola”, el llacón, choscu y butiellu, que van faer sentir como en cá güela.
Tola repostería ye casera, y como con tolo que vos cuntemos paez que mos entró daqué de sede, pa eso Peñon, Peñón DOP y Vda. de Angelón van faer de les suyes.
Y p’acabar pue chase un canturrín, siempres y cuando se faiga bien.
Onde Tomás, Sidrería. Saavedra 42. Xixón T: 684 654 598
