Trátase de “Chigres y trabajadores”, y de “Contribución de la manzana y la sidra al consumo de antioxidantes y su relación con biomarcadores del estado de salud”
LA SIDRA.- Estes nueves publicaciones incorpórense a los Cuadiernos de la Cátedra de la Sidre d’Asturies (númberu 3 y 4 respeutivamente) y abarquen dende perspeutives bien estremaes el mundiu de la sidre.
El primeru d’ellos “Chigres y trabajadores. La sociabilidad informal en torno a las bebidas alcohólicas en la Asturies franquista”, ye obra de Nestor Bustelo Muñiz, so la direición de Luis Benito García Álvarez, y como’l so entítulu indica ye un estudio de calter históricu-sociolóxicu, nel que los chigres, más que la sidra puramente, son los protagonistes principales, y abarca un periodu históricu especialmente conflictivu y que determina en bona midía la situación actual no que al papel de la sidre y los chigres se refier.
El segundu “Contribución de la manzana y la sidra al consumo de antioxidantes y su relación con biomarcadores del estado de salud” ye obra de Juan Alfonso Linar García, so la direición de Sonia Gzlez Solares y Miguel Gueimonde Fernández, y cinca ún de les temes de mayor actualidá y trescendencia pa la sidre, ello ye, los aspeutos saludables del consumu moderáu de sidre.
Trátase de dos importantes aportaciones coles que se refuerza la cultura asturiana de la sidre, actualizándola, dándo-y continuidá y alzándola al planu académicu, custión esta fundamental pa llograr la so reconocencia y desendolcu.
La Cátedra Universitaria de la Sidre –Universidá d’Uviéu- ye una plataforma multi ya interdisciplinar dende la que pretende encetase tolos campos de conocencia nos que la sidre tien, n’una o otra forma, una presencia destacao.
