Piloña amiéstase a los conceyos que busquen revitalizar la ellaboración de sidre de manera artesano.
LA SIDRA.- En Piloña costituyóse l’Asociación de Sidre Casero pa da-y puxu al so consumu y revitalizar asina una de les tradiciones más antigües d’Asturies y que más identidá dan a la nuesa tierra. El colleutivu ta presidíu por Luis Sariego y cunta con más de 50 vecinos dimpuestos a collaborar na manufactura.
Una de les iniciatives que quien sacar alantre yela rialización d’unconcursu ente los ellaboraores non comerciales del conceyu. Los díis escoyíos, en principiu, sedrán el 11 y el 12 de seitembre. El 11, sábadu, escoyeránse les meyores sidres pa pasar a la final, que tendrá llugar al otru díi.
La rialización d’esti eventu supón un gran retu pa la recién formada asociación, por embargu, saben que cunten col sofitu de muncha xente que quier revitalizar les tradiciones asturianes, y amantes de la sidre por demás. De fechu, esperen superar los 40 concursantes.
