Cellebraráse esti sábado 28 setiembre nel Palaciu Congresos del Recintu Ferial Luis Adaro, dientru les actividaes d’AGROPEC
LA SIDRA.- Anque repite l’asitiamientu del añu pasáu, esta xornada del 14º Salón Internacional de les Sidres de Gala, cuntará con importantes novedaes. De mano la so cellebración dientru d’Agropec, colo que se consigue aumentar la incidencia social del eventu, y per otru l’acesu al espaciu onde se cellebra la Tastia Abierta sedrá gratuitu.
L’acesu, non les degustaciones / consumiciones, pa les qu’esistirán dos opciones: l’avezada de mercar un pase pa prebar la sidre que se quiera -n’horariu de 11 a 15 y de 17 a 20 hores, con un preciu de 10 €; o bien mercando por consumición -2 €-.
Asina mesmo, habrá la posibilidá de mercar sidre direutamente a los llagares participantes, y podrá esfrutase d’una exposición de mazana de sidre DOP a cargu del Clú Sierense d’Amigos de la Mazana -CSAM- y visitar los espositores de dellos de los miembros de la Rede Europea de Ciudaes de la Mazana y la Sidre -Cider Cities-
