Cuatro continentes nel VII Salón Internacional de les Sidres de Gala. La Tastia Abierta al públicu llevaráse a cabu’l sábadu 30 setiembre de 12:00 a 21:00 na Colexata de San Xuan Bautista en Xixón.
Torna una de les cumes más importantes de la sidre de copa a nivel mundial. Los prósimos díis 29 y 30 setiembre daránse cita nel &, un alcuentru nel qu’ellaboraores de másima proyeición muestren y ufren los sos productos más destacaos y anovaores nun congresu apináu d’actividaes tanto pa productores como pal públicu en xeneral.
La presentación oficial tuvo llugar el xueves 21 de setiembre na Casa La Palmera en Xixón a les 12:00 hores. Na rueda prensa desplicáronse tolos detalles del eventu y pa ello intervino Carme Pérez, representante de la Fundación Asturies XXI –entamaora del eventu-. Tamién particiiparon Jesús Martínez Salvador, conceyal de Turismu, Esportes, Xuventú y Festexos de Xixón y Celestino Cortina, presidente del Conseyu Regulaor de la DOP Sidre d’Asturies.
Nel actu anuncióse que podrá degustase sidre de más de 15 países na Tastia Avierta al públicu que tendrá llugar el sábadu 30 setiembre na Colexata de San Xuan Bautista en Xixón. Tolos ellaboraores cuntarán con stands estremaos nos qu’amosar´na y darán a prebar los sos productos. La entrada tendrá un preciu de cinco euros y con ella facilitaráse una copa pa la tasita. Una ocasión ensin igual pa conocer estes bébores procedentes de llugares tan distantes como Estaos Xuníos o Xapón, Portual o Alemaña, Sudáfrica o República Checa; y que tamién podrán alquiríse de la propia man de los sos ellaboraores.
La citada Tastia Abierta escomenzará ales 12:00 y finará a les 21:00 hores. Ye una cita imprescindible pa tolos que deseyen conocer la gran variedá de sidres que s’ellaboren anguañu nel mercáu, yá que dengún otru eventu gastronómicu del estáu aconceya a tantos productores d’esta bébora. Habrá sidres esplumoses –brut, dulces, semiseques y rosaes- sidres de xelu, auguardientes, sidres ellaboraes con ingredientes orixinales, aperitivos y compuestes de sidres y les que se presenten en formatos d’un terciu.
El VII SISGA desendolcaráse del 29 setiembre al 1 d’ochobre. El vienres pela mañana llevaráse a cabu un concursu pa escoyer les meyores sidres de cauna de les categoríes, pa ello cuntaráse con un xuráu internacional. Pela nuechi tendrá llugar la Cena Gala y la entrega los Premios SISGA’17. El sábadu, como yá se mencionare, sedrá Tastia Abierta al públicu na Colexata San Xuan Bautista.
Edomingu 1 d’ochobre proyeutóse una xornada orientada a sumilleres profesionales; y el I Alcuentru de Periodistes y Bloggers de la sidre.
El SISGA ye un eventu que busca la rentabilidá, la conocencia y l’espardimientu rial de les nueves tribes de sidre; nun ye un simple escaparate de curtiu percorríu. Per ello esti congresu convirtíerese nun ágora na que converxe una auténtica profusión de profesionales y de conocimientos sobro esta bébora, que ca añu algama altos estándares de calidá, y que ta al altro de toles propuestes gastronómiques.
Más información: estibalizurquiola@gmail.com // 669 380 723
