Na xornada d’ayeri tuvo llugar na Sidrería La Galana de Xixón, la entrega premios del XI Concursu Semeyes LA SIDRA.
LA SIDRA.- L’actu, al qu’asistió enforma públicu, consistió na naguración de la esposición formada poles 20 meyores semeyes presentaes al concursu, espuestes en formatu 50 x 70 cm na Sidrería La Galana (Plaza Mayor. Xixón), onde tarán espuestes fasta l’ún de xunu, y la entrega de los Premios d’esti XI Concursu Semeyes LA SIDRA
El concursu cunta col padrociniu del Llagar JR y la collaboración de l’Asociación Fotográfica Asemeyando y de la citada sidrería. Los premiso foron:
- Primer Premiu: “Escanciando”, de Javier Álvarez Pastrana. 700 € y medalla d’oru de la CEF, entregao por Juan J. Tomás, del Llagar JR
- Segundu Premiu: “Sagarra 4”, de José Miguel Romero Barco. 250 € y medalla plata de la CEF, entregao por Luis José Vigil Escalera, presidente del Xuráu.
- Tercer Premiu: “Hoy toca manzana”, de José Agustín Gurruchaga. 150 € y medalla bronce de la CEF, entregao por Carme Pérez de la Fundación Asturies XXI
Finalmente, la mención especial JR dotada con dos caxes de sidre del mencionáu llagar, foi pa Nuria Campos con “Escanciao”, faciendo entrega de les mesmes Juan J. Tomás, del Llagar JR
