Esti añu cellebraráse per primer vegada dientru la programación gastronómica de Montréal en Lumière.
LA SIDRA.- Del 25 al 27 de febreru cellebraráse’l Mundial de les Sidres de Quebec, que si nun entamu taba centráu na sidre de xelu quebequés, anguañu amplíase pa presentar la sidre en toles sos formes y pa reivindicar el so papel na alta gastronomía, na llinia de lo que vien faciéndose n’Asturies col SISGA dende va cinco años.
Los llagareros artesanos de Québec (CAQ) viven precisamente agora momentos importantes, sollertes a l’aprebación del “Proyeutu de Llei 88” que va suponer pa ellos enforma d’oportunidaes, ente otres la de ver distribuyíos los sos productos en 8.000 nuevos puntos de venta, lo que fadrá la so sidre muncho más acesible y el so consumu más normalizáu.
El Mundial SAQ cellebrarase nel Complexe Desjardins, nel coral de Montreal, y habrá cursos de tastia, nueches temátiques, concursos, estaciones de gourmet, cocteleros y reputaos xefs. Arriendes d’ello, esti 2016 inxérse dientru’l presixosu panel gastronómicu Montréal en Lumière, lo qu’aida a complementar la so ufierta.
