Más de 40 puestos cítense esti vienres 6 d’avientu na llocalidá de Llanes, una de les actividaes va ser ‘Viaxe al Mundiu de la Sidre’
LA SIDRA.- La pista poliesportiva de la llocalidá llanisca de Nueva va acoyer el próximu vienres 6 d’avientu de magar les 10.00 hores la quinta edición del Mercáu del Tardíu. La iniciativa surdió cola cuenta de tremar la tradición, la cultura y la cooperación ente’l círculu social más prósimu, cola idega de dar puxu al coperativismu ente los más pequenos y amosar a los visitantes el potencial y la calidá de los productos del Valle de San Xurde.
Estia añu l’eventu va cuntar cola participación de más de 40 puestos de productos de la güerta, sidre, artesanía, manualidades, etc., estremáu en distintos apartaos:
Viaxe al Mundiu la Sidre: onde podrá faese sidre en directu y conocer estremaos productores de sidre del Valle de San Jorge.
Primeres H.abas del Valle: esposición y vienta de les distintes variedaes de h.abas del Valle de San Jorge, como h.abas de granxa, granjilla, verdines, negrinos, etc.
Mercáu de productos: mercáu de productos de la güerta con pimientos, cebolles, calabaces, o maíz; mercáu de productos de la granxa con güevos o miel; y ellaboraciones caseres como marmiellas, encurtidos, galletes, etc.
Tamién s’istalá el Mercáu d’artesanía; y talleres y actividaes infantiles.
Pa rematar, en redol a les 16.00 hores, va tener llugar el sortéu de La Cesta del Tardíu, ellaborada con productos donaos polos puestos participantes nel alcuentru. El Mercáu del Tardíu ta entamáu pola Asociación de Mas y Pa d’Alunos (AMPA) del Colexu Públicu de Nueva, cola collaboración de Productores del Valle de San Xurde y el Conceyu de Llanes.
