Dempués d’un paseín pela Playa l’Arbeyal ye perbona idega pasar pela cercana Sidrería Hermanos Blanco, a tomar unes botellines de sidre y si se tercia, el menú del díi, siempres casero, abondosu y ricu.
En concreto, na nuesa postrer visita a esta sidrería esfrutemos -polos 10 € que cuesta’l menú del díi pela selmana- d’un saborguiosu pote de garbanzos, xenerosu, tanto en cantidá como en compangu, ensalada mista y una bona ración de fritos de merluza, nel so puntu, por supuestu acompangao too ello de sidre.
Nesti casu pa beber pidimos una botella de Sidra Trabanco Sobre la Madre, seique na Sidrería Hermanos Blanco tienen pa escoyer tamién los palos de Camín, Trabanco y Peñón.
Destacable’l tratu prestosu, l’atención a la hora d’echar la sidre y l’ambiente acoyeor de chigre de barriu. Cien por cien encamentable.
Sidrería Hermanos Blanco – Hondures 5. Xixón T. 985 31 65 21
