Mayador vien de presentar un nuevu productu empobináu a les fiestes infantiles
LA SIDRA.- El públicu infantil ye l’oxetivu del nueu productu de Mayador, una bébora enfrescante y esplumosa, ensin alcol y con 100% de zusmiu de mazana, ensin azucres amestaos y aptu pa celiacos.
Maylink cunta con una imaxe allegre y divertía pa que los neños puean brindar y cellebrar con un productu saludable, qu’a diferencia de los refrescos que suelen atopase nel mercáu, ta ellaborao al 100% con zusmiu de mazana.
Por supuesto, el productu resulta afayaízu pa toles edaes y circustancies, por más que’l llagar faiga agora mesmo la so apueste publicitaria pa les fiestes infantiles. La sidre ensin alcol ye una tendencia que va a más en tol mundiu, y ye d’agradecer la ca vegada mayor ufierta de productos d’estes carauterístiques nel mercáu asturianu.
