El llagar escomienza l’añu llanzando una iniciativa pa “concenxar y nun perder les tradiciones” nos chigres
LA SIDRA.- Mayador llanzó una campaña conformada por varios vídios que pretende caltener vivu l’interés polos vezos que se teníen antañu y qu’anguañu’l llagar quier caltener más vivos que nunca.
Secuencies que viaxarán peles redes sociales a mou d’entrevista onde los responsables de caún de los chigres visitaos narrarán les sos hestories y anéudotes vivíes nos establecimientos, siempres col oxetivu de retomar les tradiciones d’años pasaos. Amás amosaránse dellos conseyos sobro’l tratamientu y curiáu de la sidre, interesantes harmonizaxes que, aseguren dende Mayado, “tornaránse inresistibles a cualisquier paladar”, asina como la opinión de los hosteleros sobro la perda d’estes “bonos vezos asturianos”.
“Un apueste en toa regla por Asturies y les sos tradiciones emblemátiques coincidiendo cola candidatura de la Cultura Sidrera Asturiana a Padremuñu Inmaterial de la Humanidá” aseguran.
