Participaron autores de 25 países, ente ellos Australia, Sri Lanka, Irán, Venezuela o Arxentina
LA SIDRA.- Un total de 310 semeyes presentárense a la XII edición del Concursu Semeyes LA SIDRA, ún de los más emblemáticos que sobro este ámbetu se lleven a cau per tol Estáu español, dotáu con premios en metálicu y delos pocos n’onde la participación ye de baldre. Esti certame ta entamáu en collaboración cola Asociación Asemeyando y gracies al padrociniu del llagar JR.
El plazy presentación de solicitúes escomenzó’l15 d’avientu y finó’l 15 xineru; recibiéndose istantánies de 25 países: Alemania, Arxentina, Australia, Austria, Bélxica, Brasil, Chipre, Croacia, Eslovenia, España, Guatemala, India, Indonesia, Irán, Israel, Italia, Kasajastán, Malasia, Panamá, Polonia, Portugal, Rusia, Sri Lanka, Ucrania y Venezuela.
El fallu tendrá llugar en prósimes feches y el xuráu tará compuestu por especialistes designaos por Asemeyando, ente los que s’incluirá un xuráu de la Confederación Española de Fotografía.
Los premios a los que opten les semeyes son:
-Imaxe ganaora dotaú con 700 € en metálicu y medalla d’oru CEF.
-1er accésit dotaú con 200 € en metálicu y medalla plata CEF.
-2º accésit dotáu con 100 € en metálicu, medalla bronce CEF
-Mención especial “Sidra JR” dotáu con dos caxes de sidre ala meyor semeya en rellación con dichu llagar y/o los sos productos.
Asinamesmo, les 20 imaxes finalistes formarán parte de l’amuesa “Semeyes Sidreres” que s’espondrá nel actu d’entrega premios. Ta revisto qu’esta esposición pueda ser de calter itinerante col oxetivu de da-y puxu a la cultura asturiana de la sidre per estremaes llocalidaes públiques asina como chigres.
