El vidiu de LA SIDRA na Sidrería Les Praeres recibe más de 105.000 visites en menos de 24 hores.
LA SIDRA.- El vidiu amuesa como una ciervina pica a la puerte del chigre y espera a que Ladino, el chigreru de la Sidrería Les Praeres -Nava- y dea de xintar unes mazanes. Too ello forma parte d’una perguapa hestoria que vos invitamos a conocer en direutu nel propiu chigre y de boca del propiu Ladino, mentes tomáis tranquilamente unes botellines.
La presencia de LA SIDRA nes redes sociales ye perimportante, con más de 2.000 seguidores en twitter onde escomencemos hai poco, y perpasando los 22.000 en facebook, colo que ca vegada qu’incluyimos daqué noticia (unes cuantes vegaes al día) supérense davezu les 10.000 visites, y en munchos casos les 70.000 como foi la semeya de Alexandra Castellanos echando un culín. Nesta ocasión hai de destacar non solo la cantidá de visites, más de 105.000, sinon tamién el númberu visualizaciones, 45.000, les 800 vegaes compartíu y les cuasique 800 rempuestes, ¡Nun solu día!!!
Asina mesmo, tamién tamos n’otres redes sociales como google+ ya instagram, colo que la capacidá d’incidencia social de les nueses espublizaciones resulta más qu’interesante, consiguiendo amás dar a conocer tanto la sidre asturiana, como la nuesa cultura de la sidre, y el propiu país, dau l’interés que se xenera.
