Diseñaor, escritor y músicu, Mark Gleonec ye’l presidente de la AOP Sidre de Cornouaille. Pumareru, y amante de la sidre, toviemos ocasión de conocelu presonalmente nel SISGA’17 y al que-y tornamos la visita con esta entrevista.
LA SIDRA.- Mark Gleonec ye una de les presones de referencia nel panorama sidreru internacional, non solo pol cargu qu’acupa al frente de la AOP -l’equivalente a la Denominación d’Orixe- Sidre de Cornouaille, sinon porque cunta con una visión xeneral ya integraora de lo que ye’l mundiu de la sidre, xunciendo ensin contradiciones l’amor y compromisu cola sidre del so país, cola necesaria proyeición internacional, l’aceptación de lo diferente como una bayura a defender, y la llucha escontra les soluciones fáciles, les “sidres d’augua”, la sidre que nun lo ye, pero qu’inunda’l mercáu internacional.
