Acordies con la ueb Ciders of Spain, les sidres asturianes mariden perfeutamente cola cocina tradicional.
LA SIDRA.- Ye bien conocío que la sidre marida con cuasique too. James Asbel, fundador de la páxina web Ciders of Spain envalora qu’ésta ye la comida que meyor marida con delles sidres asturianes:
– Sidre Natural Riestra marida con quesos Cabrales y Stilton; tapes como chorizu, pimientos de Padrón, calamares fritos, sardines a chapa, amasueles y pataques braves; y platos como merluza a la sidre, fabada y pata de gochu.
– Les Sidres de Nueva Espresión van con quesos Manchegu, Gouda y Brie; tapes como pimientos del Piquillo, xamón serranu ya ibéricu; y platos como paella, llinguáu en mueyu meuniere, gambes y sushi y sashimi.
– Sidre Brut semi-seco Viuda de Angelón marida con quesos Afuega’l Pitu con pimentón y quesu de cabra con herbes; tapes como chorizu, fueyes de parra, frutos secos especiaos y albóndigues al comín; y platos como chilindrón, curris indios y tailandeses, corderu asáu y reñones al Xerez.
– Sidre Brut extra-seco Riestra va con quesos Cabrales, Stilton y Cheddar; tapes como salchichón, ostres y alcachofes frites; y platos como’l cachopu, churrascu con vinagreta d’anchoes y salmón a chapa o al fornu.
– Les Sidres de Xelu mariden con quesu Manchego; tapes como Manchegu con marmiellu, Cheddar, dátiles, almendres y nueces; y postres como madalenes, tarta Santiago, bizcuechu y pastes de mantega.
