L’Obrador Monte Naranco y Viuda de Angelón protagonizarán un espeutacular maridaxe de chocolate artesano, prieto, con llechi, de sidre… y les estupendes sidres brut del llagar navetu.
LA SIDRA.- Ensin dubia una ocasión única pa esfrutar del chocolate y la sidre per separtao, y sobro too del esceicional maridaxe que mos ufren.
L’eventu, entamáu por LA SIDRA, tendrá llugar el prósimu sábadu 11 de xuentu a les 11:30 h na emblemática Sidrería Restorán La Zamorana, de Xixón, y a ella espérase qu’acuda tantu un representante del llagar comu’l mayestru chocolateru José Antonio Darriba.
Per otru llau, y anque nestos intres entá nun podemos confirmalo al 100%, el maridaxe tará guiáu por un destacáu profesional de la gastronomía asturiana, que sabrá sacar el mayor rendimientu a esta esperiencia pionera nel nuesu país de maridar chocolate y sidre brut.
(Visited 2.882.705 times)
