La pulpería Mar de Rinlo, del grupu hosteleru Llanoponte, acaba d’abrir na Sablera de Poniente, en Xixón
LA SIDRA.- Ellí, ente platos de tradición gallega y asturiana, vamos poder esfrutar de la sidre del llagar Menéndez, magníficamente sirvía colos echaores automáticos COEM d’última xeneración, personalizaos pa la ocasión.
Con especialidaes como’l pulpu al caricote, los muxones picantes y el raxu con pataques, l’apertura de la pulpería Mar de Rinlo nel baxu d’ún de los edificios barcu de la sablera de Poniente en Xixón propón una esperiencia gastronómica de tintes asturgallegos: cocina de los nuesos vecinos con sidre asturiano coles meyores vistes a la mar que compartimos.
Al pie de la sidre vamos poder atopar los meyores albariños y compartiendo espaciu cola gastronomía gallega, el cachopu o l’arroz con bugre asturianos. Destaquen les sos propuestes de mariscu y pexe, poques gracies, curiando al másimu’l productu, la so calidá, frescura y orixe.
Paga la pena destacar les sos instalaciones, con capacidá pa 300 persones y una acuridiada decoración en madera, lladriyu a cara vista y azulexu antiguu, que faen de Mar de Rinlo un espaciu al tiempu moderno y atopadizu nel qu’esfrutar de lo meyor de les dos tierres.
Pa recibir el PDF de la revista fai falta tar dáu/da d’alta nel whatsapp de LA SIDRA. ¡GRATIS!
