Mapa de Chigres de Xixón

L’oxetivu de la Primer Sidre L’Añu ye esparder y dar puxu a la cultura sidrera asturiana, y parte fundamental d’ella son los chigres, polo qu’esti mapa de chigres de Xixón ye una ferramienta indispensable.

LA SIDRA.- Como quiera que se trata de consiguir averar la sidre y la so cultura a la xente, pa que la conozan nunos casos y pa que participen y se recreen n’ella n’otros, LA SIDRA y la Fundación Asturies XXI faen  un esfuerciu pa qu’esti eventu tea una proyeición y una repercusión en tol seutor, dándo-y puxu y reivindicando una vuelta más a los chigres como ellementu básicu del seutor sidreru y de la cultura asturiana de la sidre.

Y si bien ye cierto que cuntamos con incondicionales que nun salen de la Primer Sidre L’Añu nos cuatro díis que dura l’eventu -y más qu’hubiere-, lo normal ye que la xente dedique estos díis tamién a otres actividaes d’arruelu, y pa ello, pa que puedan seguir conociendo y esfrutando de la cultura sidrera asturiana, a la entrada de la PSLA repartiráse un mapa onde figuren los chigres de Xixón. Pa que sepan ónde tienen que dir cuando tean fuera de la Primer Sidre L’Añu!