Como ca añu, esta revista cubrió toles actividaes que se desendolcaron nesta cume gastronómica cellebrada a finales de xineru.
LA SIDRA.- Con arguyu podemos dicir qu’esti añu la sidre tuvo un papel protagonista nes actividaes, conferencies y talleres rializaos por entidaes asturianes. Amás, reconocíos xefs con Estrella Michelín dexaron nidio que xuníos, amosamos lo meyor de lanuesa tierra.
Asturies dio un reblau p’asitiase dientru’l panorama gastronómicu estatal ya internacional nel postrer congresu Madrid Fusión. Varios son les sides poles que’l nuesu país tuvo más presencia nesta cume que, añu ente añu, atrai a los más escoyío y vanguardista del seutor, y con arguyu aseguramos que la sidre asturiao tuvo momentos más que destacaos.
Per otru llau, nun debe dexar de siñalase que tamién tornemos a topamos con actividaes y amueses que se caltuvieron d’ediciones anteriores, dao la so bona acoyía y resultaos. Otru aspeutu a destacar ye’l notoriu apueste polos productos asturianos que cocineros, hosteleros, ellaboraores, críticos, prensa especializao y miembros de l’Alministración enarbolaron como bandera en ca presentación, en ca tastia y en ca charra o taller.
