Tres dos años d’andanciu, La Felguera recupera’l so pulsu sidreru pal prósimu 30 d’abril
LA SIDRA.- Tres dos años de suspensión, la cita sidrera llangreana tornará a ser rialidá esti añu, cellebrándose pal prósimu 30 d’abril la XXIV Fiesta de la Sidre y el LXVII Concursu Nacional d’Echaores –el más antiguu del país-.
La intención ye que la xornada tea llugar como davezu, en La Felguera, nel parque Dolores Fernández Duro, cola degustación de sidre de les doce del meudíi a les dos de la tardi, tres mercar el correspondiente vasu sidre, que nesti casu lleva un llogu nel que s’inclúi una imaxe de la central térmica de Lada –agora desmantelá-.
El Concursu Nacional d’Echaores, el más antiguu d’Asturies con diferencia, cellebraráse n’horariu de tardi.
