Cellebraráse’l prósimu 16 d’abril y cuntará cola participación de 14 llagares.
LA SIDRA.- Entamada pola Sociedá de Festexos y Cultura “San Pedro”, de La Felguera entamará a les 12 la mañana del 16 d’abril, col actu oficial, y a les 12:30 abriráse la preba al públicu, que podrá prebar la sidre que los 14 llagares participantes apurren de baldre.
L’actu tendrá llugar nuna carpa que va istalase nel parque Dolores Fernández Duro, y el sistema sedrá l’avezáu, ello ye, mercando prevaimetne’l vasu comemorativu del eventu, que nesti casu lleva grabáu una estampa del mercáu d’abastos de La Felguera, col que pue prebase la sidre de los mencionaos llagares.
Pela so parte, el LXII Concursu Nacional San Pedro d’Echaores, el decanu de los premios d’echaores, tendrá llugar el mesmu 16 d’abril de magar les cincu y media la tardi nos salones de la Sociedá de Festexos San Pedro, y nesta ocasión establecióse un premiu especial pal meyor echaor llocal. La iscrición pue facese na propia sé del concursu de magar les cuatru y media la tardi, presllánose’l plazu diez minutos enantes del so entamu.
