Los hermanos José y Carlos Argüelles son la cuarta xeneración de mayestros toneleros y los postreros n’España.
LA SIDRA.- En Breceña, Villaviciosa atópase’l taller y la casa familiar de los únicos mayestros toneleros que queden n’España y de los cuatro qu’hai en toa Europa.
Los Hermanos Argüelles, como se conoz el so negociu, fabriquen toa triba pipes, con dacuál forma y capacidá, en maera de castañal y carbayu.
Dambos reivindiquen un oficiu n’estinción nun mercáu que ta en puxanza. Nes sos propies pallabres, los vieyos oficios tán perdiéndose y nel de la tonelería nun hai relevu xeneracional.
Nel so momentu ufiertaron la posibilidá d’abrir una escuela de tonelería en Villaviciosa para enseñar l’oficiu a los mozos y averar a los visitantes el mundiu de los llagares y la sidre, pero nun salió adelantre.
José y Carlos echen en falta campañes istitucionales de sofitu a los vieyos oficios tradicionales y a l’artesanía y tarrecen qu’estos lleguen a sumir. Y con ellos bona parte de la cultura asturiana.
