Los hosteleros representaos por Otea – Allares de Llanes alcordaron col Conseyu Regulador de la DOP Sidre d’Asturies ufiertar los productos amparaos so la Denominación d’Orixe Protexida como primer opción en sidre natural y esplumosa a quien visiten los sos establecimientos.
D’esta miente, la villa llanisca convertir na cuarta llocalidá, tres Tazones, Llastres y Candás, que se compromete cola marca DOP Sidre d’Asturies.
Pa simbolizar esta alianza, güei xueves 16 de mayu, a les 12:00 hores, una gran representación de propietarios d’establecimientos de Llanes van citase na Ponte de la Villa para echar un culín de Sidre d’Asturies y reflexar, asina, el so compromisu con esti productu ellaboráu con mazana 100% asturiana y tolo que supon de xeneración de riqueza y empléu nel país. Al actu va allegar tamién representación institucional.
