Rachel Blickford y Carmen Valverde visitaren el llagar asturianu
LA SIDRA.- La Conseyera d’Agricultura de los Estaos Xuníos nel estáu español, Rachel Bickford, y la Especialista n’agricultura de la Embaxada estaoxunidense, Carmen Valverde, visitaren ayeri’l llagar d’El Gaitero, en Villaviciosa.
La xida foi conocer de primer man cómo ye la produición de la sidre y les estremaes calidaes del productu. Hai de destacar qu’El Gaitero nació en 1890 col finxu d’averar a aquellos asturianos que colaron a “facer les Amériques” esti productu que los caltenía xuníos de daqué forma a la so patria d’orixe.
Nel aconceyamientu que caltuvieron con María Cardín, direutora comercial de Valle, Ballina y Fernández, prestaren especial interés en saber cuales yeren les esperiencies de comercialización colos Estaos Xuníos pa asina guetar meyores nel procesu d’esportación de sidre. Anguañu, Valle, Ballina y Fernández esporten al mercáu norteamericanu les marques La Gaita, El Gaitero y Pomarina –la postrera en llegar y la que más rápido ta xorreciendo-.
