Los seyes ediles unviaron mensaxes d’ánimu y solidaridá, asina como d’optimismu pal 2021
LA SIDRA.- El clásicu brinde navidiegu de los alcaldes de la Contorna la Sidre nun podríe faltar. Pero esti añu llevóse a cabu de forma virtual. Los seyes alcaldes de Bimenes, Cabranes, Colunga, Nava, Sariegu y Villaviciosa dábense cita güei ales 12:00 h. de forma dixital pa felicitar l’añu nuevu a toos.
Mensaxes d’ánimu, solidaridá, alcordances de los que nun tan y munchu optimismu y enfotu de cara al 2021 foron treslledaos a los asturianos con un firme deséu: la fin del andanciu, la recuperanza social y económica y sobro too muncha salú pa toos.
Pal brinde apostaron pola DOP Sidre d’Asturies, productu, siñala la marca, con garantía de calidá y ellaboráu con mazana 100% asturiana.
